Conexións a internet

Festival a prol do Sector Naval

Fai uns dias buscando por Youtube videos sobre Ferrol, atopeime cunha serie de concertos que se celebraron no pavillón da Malata en 1985 a prol da industria naval. Sorprenderonme os nomes dos participantes. Un auténtico festivalazo nun ambiente de protesta obreira:



Intro
--------






Manuel María
------------------





Terminal Norte
--------------------




Manuel Rivas
-----------------




39 Escalones
-----------------




X.L. Mendez Ferrín
------------------------




Na Lúa
----------




X.M. Beiras
---------------




Milladoiro
--------------




Antón Reixa
----------------




Os Resentidos
------------------




Dario Xohán Cabana
--------------------------




Radio Océano
------------------




Lois Dieguez
----------------




Aerolíneas Federales
--------------------------




Xosé Mª Álvarez Cáccamo
-------------------------------




Los Ilegales
---------------




Suso Vaamonde
--------------------




No 85, eu tiña 3 anos

Ferrol@n Party

Este fin de semana celebrouse a Ferrol@n Party na F.I.M.O., primeira party de Ferrol. Estiven por alí con Nelson dende o venres (16h.) ata o sabado (00h.). O evento non estivo mal aínda que a organización ten moitas cousas que mellorar para anos vindeiros.

Cousas boas

-Pack de benvida: coa entrada daban un bolsiño, unha revista, un cd có openoffice en galego e uns panfletos de mancomun.org e unha empresa patrocinadora. Non é que fora para botar foguetes, pero algo é algo.

-Ambiente: Houbo moi bo ambiente tanto entre participantes como coa organización, falabas con todo o mundo e se algo non saia botabanche unha man encantados, non coñecin a ningún que fora de sobrado. A organización portouse fetén cedendo o proxector para botar patxangas ó PES6, anunciaba o que quixeras por megafonía e sempre estaban abertos a peticións.

-Control de entrada e seguridade: Un dos aspectos dos que os usuarios estabamos máis preocupados era dos roubos, pero a organización controlou moi ben o acceso á zona de ordenadores e ó sair con mochilas ou equipos comprobaba que non houbera nada raro.

-Zona de durmida: para durmir habia unha zona habilitada con moqueta no chan e bastante menos frio que na zona de ordenadores.

-Patxanga de futbol: O sabado pola tarde organizaronse unhas patxangas de futbol no exterior do pavillón que fixo que a xente despegarase un pouco da pantalla.

-Concursos: houbo concursos de moitos temas; videoxogos, deseño 2D/3D, modding, subida a servidor FTP. Con premios en tódalas categorias.

-Sorteos: ademáis dos premios polos concursos o venres e o sabado sortearonse 2 impresoras laser multifunción entre os asistentes.

-Web interna: web de acceso para participantes onde se colgaban fotos, comentarios...


-------------------------------------------------------------------------------------------------

Cousas a mellorar

-Temperatura: Polas noites facia un frio tremendo, o pavillón era demasiado grande para quentalo coas CPUs.

-Bilingüismo: Quitando o cd do openoffice que daban á entrada, non habia nada en galego.

-Organización de campionatos: Os campionatos de videoxogos tiñan unha organización algo caótica, os organizadores limitaronse a que se puxeran dacordo os participantes para poñer as reglas e horarios, e de feito o sistema de competición variou segundo pasaban as eliminatorias.

-Desinformación: A organización tiña un proxector cunha presentación (powerpoint) na que se ía pasando os servizos dos que se dispoñia (DC++, FTP, web interna, programa...) e das direccións para conectarse, pero houbo moita xente que non se enteraba. Eu mesmo tiven que configurar moitos equipos e seica houbo xente que non usou certos servizos. Estaría mellor que derán unha folla de explicación na entrada.

-Domingo: Falta de eventos para o domingo que fixo que moita xente marchara o sabado pola noite.

-Web interna: Non se colgou ata o sabado pola tarde, debería estar dende o comezo da party. Houbo xente que non se enterou de que existía e o wordpress petou por tódolos lados con tantas conexións.

-Saida a internet: a rede externa colgouse vairas veces e tiñamos un acceso moi lento a internet. Ás veces era imposible conectar.

-Recursos nocturnos: faltou dispo de café pola noite, aínda que fora de máquina. O venres levei a un rapaz de Compostela e a outro de Coruña ata o 24hs.

------------------------------------------------------------------------------------------------
------------------------------------------------------------------------------------------------

Como anécdota sinalar que o venres pola tarde (ainda habia pouca xente, 20/30) veu Juncal con algun concelleiro e puxeronse a ver como xogabamos, Nelson e eu, ó COD2. Os xornalistas revoloteando en torno ás nosas máquinas coas cámaras.

Paseino xenial e repetirei se se celebra o vindeiro ano e animo a todo o mundo que se anime, que non hai que controlar moito de informática para ir, simplemente ter gañas e ordenador propio.

-------------------------------------------------------------------------------------------------

O meu equipo na galeria de Ferrol@nParty

Xunta e Software libre

Durante as derradeiras dúas semanas apareceu en diversos portais galegos e do resto do estado un rumor de que a Xunta de Galiza negocia con Microsoft a inclusión de novos programas desta empresa nas aulas e administración galegas. Isto non sería moi resaltable nin discutible de non existir o Plano Estratéxico Galego da Sociedade da Información -un documento aprobado polo Consello da Xunta no 2005 e elaborado pola Consellería de Innovación- e que aposta especificamente pola "adopción de estándares abertos para evitar a dependencia económica do exterior". Basicamente isto é, apostar polo software libre (+/- GNU/Linux).

Ó parecer este Plano Etratéxico Galego da Sociedade da Información foi impulsado polo BNG, como parte do pacto de governo co PSdeG, coa, ata o de agora, única medida da creación dos portais ManComún e Sociedade da Información. Aínda que agora se esta comprobando o escaso desenvolvemento desta iniciativa.

Actualmente, a Xunta e tódolos organismos que dela dependen (sergas, institutos, escolas, bibliotecas, policia autonómica..., por non falar de tódolos concellos) usan case en exclusiva con Windows. Isto supón un gasto anual de millóns de euros en pagar licencias de uso (só o I.E.S.Rodolfo Ucha de Ferrol paga +/- 120.000€ de uso de Windows, aparte Office, Autocad...). Este gasto, por se non quedou claro, só permite o uso dos programas, aparte hai que pagar ós técnicos e exeñeiros informáticos que arranxen e creen programas específicos para o Windows.

Coa implantación do GNU/Linux evitariase o pago das licencias de uso, a cambio habería que dispor de técnicos e enxeñeiros informáticos que implantasen, mantiverán e creasen programas para o novo sistema, có conseguinte aforro (licencias). Ós que non estean moi duchos neste tema, dicir que outras autonomías españolas xa teñen todo isto implantado e con moi bos resultados, coma Estremadura e Andalucía(outras autonomías estan niso). Destacar que estas autonomías son as que teñen unha renta per cápita máis similar á Galiza(non se trata de Catalunya, Euskadi, Valencia...).

Resaltar que coas licencias só se paga o uso dos programas, Microsoft non fai programas específicos para a Xunta, nin arranxa os ordenadores e nin tan sequera os seus sistemas funcionan correctamente, e se non que erga a man o que sepa porque colgase o seu Windows.

Non sei como veredes isto, pero para calquera informático cun par de dedos de fronte, isto é un gasto innecesario que ben poderiase evitar. E se o pensades, que é mellor darlle cartos e manter a unha empresa estadounidense (e ó maior millonario do mundo, Bill Gates), ou que eses cartos empreguense en crear postos de traballo para os cidadáns galegos.

Sei que a maior parte da xente usa Microsoft, pero polo menos sabede o que usades (Windows garda unha parte da túa conexión a internet para comunicarse con Microsoft, envialle datos de que programas usas, cando accendes o ordenador, se ves esta páxina ou aquela...). Que non vos pareza o mellor do mundo...