Prácticas no Concello de Ferrol

A semana pasada comecei a facer as prácticas do ciclo no concello de Ferrol, no Centro de Recursos Informáticos, nas catacumbas da praza de Armas. Ante ilusión inicial, agora estou para pegarme un tiro. 7 horas diarias, de luns a venres, diante dun ordenador sen facer absolutamente nada (consultar o correo, abrir este blog...).

A verdade que o sitio é ideal, teñen unha pila de servidores, 200 e pico usuarios, material profesional... pero son funcionarios e aquí hai de todo menos presa. A filosofía de traballo é que as cousas funcionen pero sen matarse, co cal a carga de traballo é moi liviana e poucas cousas son desviadas cara min. O xefe supremo do departamento é o concelleiro de Administración Interna (non sei quen é), pero coma no resto de departamentos, non aparece por aquí nin para saudar co cal a xente anda ó seu. Aquí o típico café da maña usase para ir tomar unhas tapas, e o horario de entrada e saida depende de cada un.

E logo, o peor é que traballamos para os que mandan, PP, o venres tivemos que colocar uns micrófonos para captar o audio da sala de plenos e así poder denunciar ó público asistente que protestou pola aprobación do proxecto da fraga de Menáncaro. Manda carallo¡¡

En fin, 3 meses aquí parecenme unha eternidade có único incentivo de acadar o título do ciclo. Puff...